Lehen ekitaldia joan zen zapatuan egin zuten, argazkia atera biak zoriontzeko. Jende pilotxoa elkartu zen orduan. Domeka honetan, hilak 17, ostera, mendi irteera egingo dute. 09:30ean aterako dira Mitarte plazatik, eta Kurtzebarri aldera egingo dute. Goiza mendian pasatu ostean, eguerdi ingururako itzuliko dira, eta 12:30ean, luncha izango dute gertu Urbaltz elkartean.
Kepa Urrak urtarrilean bete zituen 16 urte espetxean. Hainbat tokitan egon da, baina azken urteotan Cadizko Puerto de Santamaria espetxean dago. Zuhaitz Errastik, ostera, abuztuan egingo ditu lau urte espetxean. Frantzia erdialdean dagoen Moulins-Yzeuren dago hain zuzen.