Berdintasunaren sailaren arabera, orokorrean, emakume gehiagok parte hartu dute: "Hori, alde batetik, positiboa da; baina, Udaleko Berdintasun sailetik gizonezkoak animatu nahi ditugu horrelako ekintzetan parte hartzera".
Ekintzen gaineko datu zehatzak eskaini ditu. Emakumeak aniztasunean lelopean, martxoaren 2tik 22ra bitartean egin den erakusketak askotariko adineko ehun bat bisitarik izan ditu; tartean, Andoaingo emakume taldea.
Antzerkia arrakastatsuena
Baina, guztien artean, harrera onena izan zuen ekimena Metidas en harina izeneko antzerkia izan zen. Guztira, 88 lagunek ikusi zuten hori.
Zine-klubari dagokionez, Las mujeres de verdad tienen curvas filma 47 lagunek ikusi zuten; eta Porque las mujeres siempre queremos más filman 21 ikusle izan ziren; bietan emakumeak izan ziren nagusi.
Martxoaren 10eko Kalean uso etxean otso ikus-entzunezkoak, bestalde, 18 parte hartzaile izan zituen: hamazazpi emakume eta gizon bakarra. Martxoaren 17ko Emakumeak aniztasunean kafe-solasaldian, azkenik, bi hizlari eta bost aretxabaletar bildu ziren; guztiak emakumezkoak.