Oraingo honetan, askoz ere ekipamendu arinagoa eramango dute Baruntseko lehen mendi-ibilian erabili zutena baino. Sherpani Coll-etik (6.150 m.) hurbil, eskalatzeko material guztia eta kanpadenda utzi zuten, eta ondorioz, orain jatekoa besterik ez dute garraiatu behar. Bi eguneko atsedenaren ondoren, hiru eskalatzaileak prest daude egokitze-aldiko azken faseari ekiteko, eta gero, Makaluri aurre egingo diote, horixe baita espedizio honen helburua.
Iragarpen meteorologikoaren arabera, eguraldi ona izango da nagusi datozen egunotan. Ondorioz, Juan Vallejok, Alberto Iñurrategik eta Mikel Zabalzak Baruntsera gaur bertan itzultzea erabaki dute. Lau eguneko joan-etorria egingo dute, 7.152 metroko mendi horren gailurrera iristeko asmoz, eta jarraian, Kanpamentu Nagusira itzuliko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak