Gailurrerako bidean lehen etapa gainditu dute. Behe kanpamendutik abiatuta 1.200 metroko desnibela igo zuten atzo, eguaztena, 6.500 metroko altueraraino. Uste baino azkarrago egin zuten bidea eta horrek atseden hartzeko tarte handiagoa eman die. Gaur, eguena, bigarren etapari ekingo diete Iñurrategi, Vallejo eta Zabalzak: 7.300 metroraino igo nahi dute.
Bidea bertikalagoa da hemendik gora eta haitza, elurra eta izotza aurkituko dute kaminoan. 6.900 metroko altueran haitz gaineko pasabide zaila dute, frantsesek "zeharkale beldurgarria" deitu ziotena. Elur gutxi dago mendian urtea oso lehorra izaten ari delako eta haitz leuna dago, horrek bidea zailtzen duelarik.
Horrez gain, 7.300eko altuerako erlaitz horretara iristeko azken metroetan "Seigneur horma" izenekoa dago, 15 metro bertikalean, heltzeko ere ia lekurik ez duen horma. Artifizialean A2ko maila ematen zaio horma horri (A5 da maximoa, baina altitudeak paper handia jokatzen du).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak