Datorren kurtsoa bertan hasi gura du udalak. Beraz, datorren irailean musika eskola, gaztelekua eta liburutegia kulturarako eraikin berrian izango dira.
Atzerapena, plaka jausi zela-eta
Lanok aurreikusitako moduan egiten dabiltza Brues eta Fernandez eraikuntza enpresa. Hilabete pare bateko atzerapena izan dute maiatzean lehengo solairuaren oinarria izan behar zuen hormigoizko plaka jausi zelako.
Solairuka
- Sotoan biltegia eta gaztelekua dago. Azken honek moldaketa txiki bat izan du eta sukaldea eta bulegoa izango ditu. Gaztelekuarekin batera, 96 jarleku inguruko erabilera askotariko aretoa eta erakusketak egiteko gela daude.
- Liburutegia, kultur etxearekin batera bigarren solairuan egongo da. Hemen bananduriko gune ezberdinak egongo dira, taldeko lanak egiteko lekua, txikien gela baita bilera gela eta gela nagusia ere.
- Hirugarren solairuan musika eskola egongo da. Dantzarako erabiliko duten areto handia ere izango du, hainbat gela eta idazkaritzarekin.
- Haien gainean, ostera, musika tresnak jotzeko gelatxoak egokituko dituzte.