Lehen ordua, txikienendako
Bihar, irailak 21, hasi eta urriaren 1a bitartean adin bakoitzari egokitutako jarduerak egingo dituzte taldetan banatuta. Talde bakoitzak bere ordutegia izango du eta arduradunek jakinarazi dute derrigorrez errespetatu beharko dela ordutegia.
Arratsaldeko lehen ordua (17:00-18:30) txikienendako, hau da, Haur Hezkuntzakoendako izango da. Bihar, martitzena, karaokea izango dute 4 urtekoek; eguaztenean, ludoteka ezagutuko dute lehenengo aldiz joango diren 3 urtekoek; eta eguenean karaokea dute 5 eta 6 urtekoek.
Arratsaldeko bigarren ordua (18:30-20:00) Lehen Hezkuntzakoendako da. Haiek ere karaokea egingo dute martitzenean–2. eta 3. mailetakoak– eta eguaztenean –4., 5., eta 6. mailetakoak–. Eguenean, jolas gidatuak izango dituzte bigarren eta hirugarren mailetakoek.
Eskulanak eta jolasak
Datorren aste guztian, ostera, karetak, eskulanak eta jolasak egingo dituzte, bai gidatuak, bai libreak. Eguenean, hilak 30, gainera, mahai jolasen lehiaketa izango dute zazpi eta hamabi urte artekoek –LHko 2.mailatik 6. mailara.
Behin ludoteka ezagututa matrikula egiteko epea zabalduko dute; hala, urte guztian joan ahal izateko bertara.