Haur Hezkuntzatik hasi eta DBH arteko ikasle guztiak dabiltza Literatura Astean murgilduta, eta hainbat ekitaldi eta ikuskizun izan dituzte. Haur Hezkuntzakoek, esaterako, Irati Pagoaga aretxabaletarraren ipuinak entzun dituzte. Lehen Hezkuntzako 1. mailakoek Urrezko giltza liburuaren gainean jardun dute Patxi Zubizarreta idazlea bera lagun izan dutela. Eta 5. mailakoek Lauterdi pirataren altxorra liburuaren gainean izan dute solasaldia Aitzpea Goenaga aktore eta zuzendariarekin. DBHko 3. mailakoek, ostera, Jose Mari Urteaga idazlea izan dute solaskide.
Horrez gain gure mitologia oinarri hartuta ipuinak egin dituzte, liburuetan aurkitutako esaldi ederrez horma-irudiak, hainbat kulturatako haurren bizimoduak biografia erara erakutsi, euskal musika eta literaturaren inguruan jardun, eta beste lan asko.
Kurtzebarri eskolan tradizio handia duen Irakur maratoia, ostera, apirilaren 24an, eguena, egingo dute.