Rosa Aierbe historialaria Hernanin jaiotakoa da 1954. urtean eta Donostian eta Leioan historiako eskolak ematen ditu. Bartzelonan egin zituen historiako ikasketak eta honako hau ez da Leintz bailarari buruz idazten duen lehen aldia: "Ikasketak bukatzeko Leintz bailararen eta Oñatiko kondearen eta gebaratarren inguruko tesinak egin nituen". Juridikoki garrantzia handia duten dokumentu ugari jaso ditu Zapatuan aurkeztuko duten liburuan; XIII-XVIII. mende bitarteko errolden datuak, esaterako. Era berean, Valladolideko artxiboan aurkitutako Leintz bailarako 1495eko ordenantzak interes berezikoak direla dio egileak. Sasoi hartan 17 elizatek osatzen zuten Leintz bailara.
Liburuak 440 orrialde ditu eta 25 eurotan salduko dute (20 eurotan aurkezpen egunean, zapatuan). Txartyn de Bazterbero kultur taldekoek bultzatu dute argitalpena, Aretxabaletako Udala, Diputazioa, Kutxa eta Bidegiren laguntzaz.