Ondarroako taldea urduri ibili da lehen minutuetan, zelaian jarri ezinda. Oruetak beste aukera argi bat izan du etxekoendako lehen zati honetan, baina atezainaren aurrean ez du asmatu. Ondarroak ere izan du aukeraren bat baina horrela amaitu da lehen zatia.
Iturberen lesioa erabakigarri
Bigarren zatian Ondarroako taldea berdinketaren bila atera da; seigarren minutuan gol aukera izan du. Momentu horretan Igor Gordobilek derrigorrezko aldaketa egin behar izan du Iturbe lesionatu ondoren. Bere ordez Akaitz atera da zelaira. Ondorioz, Aritz Igartua erdilaria defentsako lerroan kokatu da. Egoera horrekin etxeko taldea desegonkortu egin da eta hutsak egiten hasi da, batez ere atzeko aldean. Huts horiek ederki aprobetxatu ditu Ondarroak eta partiduko 86. minutuan Badiolak berdinketaren gola lortu du epaileak adierazi duen penaltik eztabaidagarri baten ondorioz.