Eusko Jaurlaritzako Barne Sailak jakitera eman duenez, istripua arratsaldeko 3ak baino zerbait lehenago izan da Aretxabaletako Markole auzoan dagoen Bañu Etxe enpresan. Ordu horretan, paketeak egiteko makina batek langilearen bi hankak moztu ditu belaun azpitik.
Barne Sailak esandakoaren arabera, anbulantzia heldu aurretik enpresako arduradun batek bere kotxean eraman du langilea Arrasateko Ospitalera. Ez dute jakitera eman langilearen inguruko xehetasunik, eta Bañu-Etxe enpresarekin harremanetan jarrita, momentuz ez dutela adierazpenik egingo esan digute. 14 langile ditu Bañu-Etxe enpresak, eta metal eta txatarra arloan lan egiten du.