82 urte beteko ditu mendi tontorrean jarritako gurutzeak, eta urteurrena gogoan herritar asko hurbilduko da bertara. Murrukixoko kideek salda beroa izango dute gertu tontorrera iritsitako guztiendako (10:30) eta ondoren meza esango du abadeak (11:00). Mokadutxoa eskainiko dute gero –gazta, txorizoa eta txanpaina– indarrak berreskuratu eta beheranzko bidea hartzeko.
Irailaren 18an Bizkaira
Egun guztirako mendi irteera egingo du Murrukixo mendizale elkarteak hilaren 18an, zapatua, Eretzara (Bizkaia). Gueñes eta Zaramillo arteko parajeetan egingo dute egun pasa. Izena emateko martitzenean jo dezatela Durana kaleko egoitzara (19:00-20:00) –autobusa, 15 euro–. Zapatuan 07:30ean aterako da autobusa Azbe lantegi pareko geltokitik.