Krisi menua egingo dute zapatuan Muru Alden

Loramendi Euskara Elkartea gastronomia elkarteen arteko olinpiadak egiten dabil. Mus txapelketa egin zuen urtarrilean, eta aste bukaera honetan krisi menua egingo dute. Elkarteetako kideek 20 eurorekin erosketak egin eta lau lagunendako menua gertatuko dute. Zapatuan izango da hori.

Muru Alde elkartean, 20:30ean, elkartuko dira epaimahaiko kideak, egindako menuak baloratu eta onena hautatzeko. Herriko elkarte guztiei egin diete deialdia, eta, oraingoz, hiruren baiezkoa jaso dute (Urats Alde, Muru Alde eta Urbaltz). Espero dute gehiago izatea.

Epaimahaia osatuko dute Loramendiko kideek eta Taberna Berri jatetxeko sukaldari Javi Etxebarrietak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.