Kanuto deunaren X. urteurrena, zapatuan

Kanuto deuna ospatuko dute zapatuan, hilak 23, marihuanaren lagunek. Betiko legez, umore ona eta musika izango dituzte lagun baina aurten X. urteurrena betetzen da eta inoiz baino ospakizun handiagoa egin gura dute. Hori horrela, kontzertu mordoa izango dira herriko tabernetan.

Eguna hasteko bolatokian bolo txapelketa jokatuko dute (11:00) eta eguerdian bazkaltzera joango dira Mitarte plazan gertatuko duten jantoki erraldoira (14:00). Bertan lehen kontzertua izango dute Packo Dossis taldearen eskutik. Eta arratsaldean (19:00) hainbat talde izango dira herriko tabernetan:

- Haizean, Quadrothenicos eta Crackers

- Expresen, Inalectrik eta Julen Cobos

- Urbaltzen, The Convicts eta Etorten Die Hoten

- Izotzen, Flamming Gaupasing eta Brothers

Ilunkaran (21:00) salda eskainiko dute Txikibar tabernan eta ondoren (22:00) kalejira egingo dute Kanuto deunarekin Orkestra Taldea lagun dutela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.