Bolo txapelketa jokatuta hasiko dute jai giroa bolatokian (12:00) eta ardoa eta sagardoa eskainiko dituzte barrua berotzeko. Herri bazkaria egingo dute gero eta bazkalostea Knik antzerki taldeak girotuko die.
Arratsaldean kalejira izango da protagonista (18:30), Kanuto deuna aldean hartu eta Orkresta taldearekin herriko kaleak aztoratuko dituzte. Eta kalejira bukatzeko eta hoztuta geratu direnak berotzeko salda eta gaztaina erreak eskainiko dituzte Azkena tabernan (20:30).
Kontzertuak emango dio bukaera jaialdiari (22:30) eta talde bi gonbidatu dituzte gau partea girotzeko: Arrasateko Foxy Boxxi eta Bilboko Early Reflections. Rock-and-roll estiloko doinuak ekarriko dituzte arrasatearrek; bilbotarrek, ostera, reggae.