Erakusketa aretoari dagokionez eskulan eta zeramika ikastarotako ikasleen lanak izango dira ikusgai egubakoitzean hasi eta hilabetea bukatu bitartean.
Antzerkiak: Las Torpedolevel taldea
Helduek antzerkia izango dute ekainaren 11n, egubakoitza (22:00). Las Torpedolevel taldeak Las chicas serias no gustan lana eskainiko du –sarrera, 4 euro–. Carmen Pardo eta Vene Herrero aktoreek sexuaren, jasotako hezkuntzaren eta antzeko kontuen gaineko hausnarketa egingo dute umore giroan.
Umeek, ostera, bi ikuskizun izango dituzte: Dejabu taldeak Azken portua eskainiko die domekan (17:00) eta Izaskun Mujika ipuin kontalariaren eskutik Munduko ipuinak izango dituzte ekainaren 19an, liburutegian (11:30).
Kontzertuak: Julen Cobos
Musikak ere izango du lekua Arkupen. Julen Cobos Zakone kantautore aretxabaletarra izango dugu hilaren 18an, egubakoitza, (22:00). Euskara, gaztelania eta katalana erabilita mediterraneoko eta flamenko doinuak nahasten dituen abestiak eskainiko ditu lagun eta herritarren aurrean.
Eta Leizarra musika eskolako kontzertuak ere egingo dituzte ikasturtea bukatu aurretik (18:30): eguaztenean, hilaren 2an, piano emanaldia; hilaren 9an, trikiti eta pandero emanaldiak; eta hilaren 14an, akordeoi emanaldia.
Berbaldiak
Berbaldiak ere izango dira ekainean. Batetik, Aste Berde barruan antolatutakoek: ekainaren 3an (19:00), Elikadura ekologikoa eta orekatua, Ekolapiko proiektuko Sabrina Pato dietistarekin; ekainaren 8an (19:00), Contaminación lumínica Aranzadiko Oscar Ortuñorekin; eta hilaren 10ean (19:00), film emanaldia Ekologistak Martxan taldeko kideekin: Africa ¿estás ahí?
Eta bestetik, Hiruatxek antolatutakoa hilaren 17an (18:30): Salinasen nola? Ekuadorko Salinas herrian duten proiektuaren berri emango du handik etorritako Dorian Fernando Ruiz kideak.