Istripu bateko lekukoen bila dabil Ertzaintza

Joan den astelehenean, hilak 8, istripua izan zen Santakurtz eta Basabe kaleen arteko bidegurutzean, 14:30ak aldera. 4 x 4 ibilgailu batek eta ziklomotor batek egin zuten talka. Ziklomotorra gidatzen zuen gaztea zauritu egin zen eta bere ibilgailuak kalteak jasan zituen. Talka izan eta gero 4 x 4 ibilgailuak ihes egin zuen. Ertzaintza istripua ikusi zuten lekukoen bila dabil. Kolaboratu nahi dutenek Bergarako ertzain etxera jo dezakete.