Euskarazko webgune interesgarriak ezagutzeko ikastaroa egingo dute hilaren 15, 16, 22 eta 23an. KZguneko arduradun Aitor Madrid izango dute irakasle eta eskolak Markole auzoko KZgunean egingo dituzte. Debalde da izen-ematea eta epea astelehenean, hilak 14, itxiko dute.
Urtarrilaren 24an, ostera, Aratusteetan zela makilatu erakutsiko dute Gemes edertze aretoko kideek, 18:00etatik 20:00etara. Eta hilaren 28an, Kolonbiako sukaldaritza ezagutzeko aukera izango da, Muru Alde elkartean. Bukatzeko, hilaren 31n, Gorputzaren musikak izeneko tailerra egingo dute musikoterapian aditu batekin eta psikologo batekin. Izena Loramendin eman behar da astelehenean hasi eta 24ra bitartean, eta bazkideek 5 euro eta gainerakoek 8 euro ordaindu beharko dute.
Otsailean, ostera, fimo ikastaroa, ardo dastatzea eta reflexoterapia egingo dituzte.
Ikus-entzunezkoak
Bestalde, hurrengo egubakoitzean, hilak 18, helduendako ipuin kontaketa eskainiko du Antton Irustak Gurea tabernan, 19:00etan.
Otsailaren 15ean, Kanika zuri-beltzak antzezlana egingo du Goaz taldeak, eta otsailaren 21ean Apaizac obeto ikus-entzunezkoa eskainiko du Jon Maiak.