2010erako onartutako ordenantzen arabera ibilgailuen zerga igoko dute, legeak uzten duen guztia –ibilgailu txikienek igarriko dute gehien–. Zaborrak ez du igoerarik izango eta ura %5,16 igoko du ur kontsortzioak. Hondasun higiezinen gaineko zerga %5 igoko dute etxebizitzei dagokienean; %3,2 nekazal lurrei dagokionean; eta industri lurrek ez dute izango igoerarik (balore katastrala bakarrik, %1).
Ezker Batua-Berdeak esan zuen diru sarrera berriak bilatu behar direla,
telefono mugikorren enpresei zerga ezarri, esaterako. Gainera, esan
zuen jarduera ekonomikoaren gaineko zerga igo beharko litzaiekela
enpresa handiei, hau da, urtean 2.000.000 eurotik gora fakturatzen
dutenei. Aralarrek onartu egin zituen proposamenok eta %3 igotzea jarduera ekonomikoaren gaineko zerga
erabaki zuten.
Eusko Alkartasunako kideek ordenantzen aurka bozkatu zuten gastuak zelan murriztu gestionatzeko ezer ez duelako egin Udal gobernuak eta datorren urteko aurrekontuak gertatzen ere ez delako hasi. Alderdi sozialistako zinegotziak, ostera, abstenitu egin ziren gaia ez zegoelako behar bezala landuta.