Taldeak hasiera batean bederatzi jokalari aurkeztu behar zituen, baina zehazteke dago Arenas de Getxoko Borja del Rio Ibarrara etorriko den, azken orduan beste eskaintza batzuk jaso dituelako. Hala, Jonan Bazquez (Lakua), Eden Gorosabel (Laudio), Andoni Amutxastegi (Mondra), Kerman Azkarraga (Elgoibar), Yasine Guti (Ordizia), Aitor Perez (Eibar), Aitor Irastortza (Ordizia) eta Unai Biana (Murgia) dira klubak egin dituen fitxaketak, oraingoz. Baina, Ordiziatik etorriko diren bi jokalariak ez ziren aurkezpenean izan, klubaren baimenarekin.
Taldea utzi dutenak
Bestalde, Aretxabaletako taldea utzi dute Asier Undak (Gernikak fitxatu du), Mikel Artetxek, Enrique Tenak (Mondrara joan da utzita), Iban Lopezek eta Igor Arriagak (Eibarrera joan dira entrenatzaile lanetara), eta Iban Espinosak (Durangok fitxatu du).
Elgarresta, prestatzailea
Atezain lanetan ibili den Jonan Elgarrestak eskularruak zintzilikatu ditu, baina taldean jarraituko du 3. mailako taldearen prestatzaile fisikoa izango delako. Taldea zuzenduko dutenen artean ere ez da aldaketarik izango, Gordobilek eta Arenazak jarraituko duelako lan horretan.