Hiru astetan egongo da gurean txurro saltzailea

Martitzenaz gero dago Mitarte kale berrituan La Exquisita txurro saltzailea. Udalak hiru asterako eman dio baimena eta arratsaldetan zabalduko du egunero (17:00-21:00); domeketan goizetan ere bai, "gosaltzeko eroateko".

Urteak dira gurean txurro saltzailerik izan ez dela eta ikusmin handia sortu du postuak. Hala bada, Arrasaten egon izan den txurro saltzailea pozik dago "oso harrera ona" egin diotelako aretxabaletarrek.

Bizilagunak haserre

Txurroak eskura daudelako pozik herritar batzuk, baina inguruko etxeetako bizilagunak haserre dabiltza: "Kea eta zartagin usaina jasan behar ditugu eta kalean dauden butano bonbona horiek arriskutsuak izan daitezke", diote. Udalari eman diote haserrearen berri.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.