Mantentze lanak
Aurtengo udal aurrekontuan 235 mila euroko partida sartu dute udaletxean berritze lanak egiteko. Hormak margotu, zorua berritu eta berogailuaren mantentze lanak egingo dituzte. Horiez gain, lehenengo solairuan iparraldera begira dagoen galeria berritu egingo dute. Hirigintza Saileko bulegoa dago galeria horretan, eta egoera eskasean dago.
XVIII. mendean eraiki zuten Arratabe jauregia, eta 1986an udaletxea ezarri zuten hantxe. Behealdea eta bi solairu dituen eraikinak gela dotoreak ditu, baina mantentze lana eskatzen dute. Gainera, iristeko erraztasun arazoak ditu: sarrerako atean maila handia dago eta ez dauka igogailurik.