Hirigintza eta Ongizate sailak liburutegi zaharrera aldatu dituzte

Hirigintza eta Ongizate sailak tokiz aldatu dira: udaletxetik lehen liburutegia zegoen eraikinera eraman dituzte. Eguaztenean egin zuten leku aldaketa eta dagoeneko normaltasunez dihardute lanean.

Guztira, zortzi langile daude han: hiruna gizarte laguntzaile eta hirigintza teknikari, zerbitzu eta lanetako arduraduna eta hirigintza administraria. 

Herritarrek igarriko duten aldaketa bakarra da fisikoki tokiz aldatu direla. Telefono bera mantendu dute, udaletxekoa.

Langileak mugituko dira

Bulego berriak, gainera, aurrekoak baino erosoagoak dira herritarrendako, langileak direlako bere tokitik mugitu eta eurengana doazenak. Horretarako bilera gela bat egokitu dute beheko pisuan.

Gela horretaz gain, beheko solairuan harrera, Ongizateko bi bulego eta komunak daude. Lehenengo solairuan, berriz, Hirigintzako lau bulego eta gizarte laguntzailearena daude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.