Udalaren helburua zen gazteendako erakargarria izango den ekimen berritzailea egitea; eta hala, ibarrean orain arte antolatu den mota horretako lehenengo jaia egin zuten.
Ikastaroek, harrera ona
Hip-hoparen alorrean aritzen diren mota askotako adituek esku hartu zuten jaian; batetik, irakasle moduan; eta bestetik, ikuskizuna egiten.
Grafiti erraldoia
Horiez gain, goiz-eguerdian, Aretxabaletako Mikel Escobales patioko hormetako baten grafiti erraldoi bat egiten hasi zen; hori da Udalak antolatutako grafiti lehiaketan irabazle izanaren saria. Astelehenean bukatu beharko du lana.
Eta iluntzean Aretxabaletako, Barakaldoko eta Hernaniko musikariek kontzertuak egin zituzten.