Aranzadi Zientzia elkarteak antolatutako erakusketa da, Eusko Jaurlaritzaren Justizia eta Herri administrazio Sailaren diru-laguntzarekin. Gainera, Intxorta 1937 Kultur Elkartearen laguntza izan dute, Aretxabaletako erakusketan aretxabaletar biktimen izenak eta aurpegiak jartzeko. Inazio Garro Aretxabaletako alkateak inauguratu zuen erakusketa; lagun izan zituen Julia Monge eta Jose Ramon Intxauspe Intxorta kultur elkarteko kideak; eta, Lourdes Sagasti indusketetan aditua.
Mongek adierazi zuen Debagoienean errepresio horren seinaleak frankistak sartu ziren lehenengo egunetik eman zirela. "Frankistek fusilatutako 120 pertsona zenbatu ditugu, zibilak. Horien artean sei emakume eta lau abade", azaldu zuen Mongek.
Azaldu zuen justizia egiteko lehen pausoa gertatutakoa ikertzea izango zela; errudunak epaitu, kaltearen ordaina emateko, eta berriro horrelakorik ez gertatzeko.
Aretxabaletarrak
Erakusketan agertzen diren aretxabaletarrak dira: Isidoro Gartzia-Etxabe Etxeberria, Agustin Aranburu Zabaleta, Felix Alberdi Cerio, Victoriano Akizu Izurrategi, Sabino Etxabe Gurutzeta, Dionisio Uribesalgo Otadui, Juan Bengoa Agiriano, Raimundo Galdos Azkarretazabal, Saturnino Sauquillo Etxeberria eta Jesus Peña Etxeberria.
Salatu dute, horien hileta aktetan irakurri daitekeela: "Liberazioaren gerra ekintzetan parte hartzearren, gerrako arma zauriek hilda".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak