Dagoeneko bi odol ateratze saio egin dituzte urrian gurean, eta guztira 100 lagun izan dira odola emateko gertu agertutakoak; hala ere batzuei ez emateko gomendatu diete eta 96k eman dute. Odol emaileen elkarteko ordezkari den Ramon Eraña pozik azaldu da kopuru horrekin: "Azken hiru urteotan eman barik egon direnak berriro hasi dira etortzen eta oso garrantzitsua da hori".
Udaberrian egindako saioetan 137 lagunek eman zuen odola. Orduan pozik azaldu ziren aretxabaletarrek emandako erantzunarekin, baina oraingoan hori gainditu egingo dutelakoan daude. Bide batez, gazteak animatu gura dituzte odol emaile izatera.
Odol emaileen loteria
Bestalde, odol emaileen elkarteak loteria atera du urtero legez, hiru euroren truke; hona zenbakia: 18.753. Loteria hori erosi gura dutenak Ramon Erañarekin egon daitezela –telefono zenbakia: 943 71 25 26–.