Mobilizazioa egindakoek salatu dute, ekainaren 10ean, Puerto I espetxeko kartzelariek Urra jipoitu eta isolatu egin zutela. Bizi zuen egoera jasangaitza zela eta hori salatzeko gose greba hasi zuela gaineratu dute. Euren esanetan, familiakoek handik lau egunetara eta beste preso baten bitartez jakin zuten aretxabaletarra Puerto I espetxetik atera zutela, eta gerora jakin zuten nora eraman zuten. Almeriako espetxean dago orain –Euskal Herritik 900 kilometro baino gehiagora–.
Puerto I espetxean jarraitzen duten gainontzeko euskal presoek eutsi egiten diote gose grebari, bertan dituzten bizi baldintzak jasangaitzak direla salatzeko.