Kudeatuz egitasmo barruan dago galdeketa hori. Foru Aldundiak eta Udalak sinatutako lankidetza hitzarmenari esker jarri dute abian egitasmoa oraintsu. Herritarren parte-hartzea bultzatzea eta herri politikaren gaineko iritzia jasotzea du helburu, erakundeek egiten duten lana hobetzeko asmoarekin. Horretarako bi atal dituen gogobetetasun azterketa egingo dute, bi galdeketa eginda herritarrei: lehenengoa orain hilabete inguru banatu zuten etxez etxe norberak betetzeko eta orain, telefono bidezkoa egiten hasiko dira. Galdeketak egiten dabiltzan Gizaker enpresako kideen esanetan "telefono bidezkoa esanguratsuagoa" da.
Behin galdeketa eginda txostena osatuko dute erantzunekin eta Udal arduradunei aurkeztuko diete. Bi txostenak –etxez etxeko galdeketarena eta telefono bidezkoarena– Udal gobernuak eskuetan dituenean emaitzen berri emango die herritarrei.