Hernanik zapatuan irabazi egin zuela jakinda salto egin dute aretxabaletarrek berdegunera. Presio horri, aspaldiko partez markagailuan atzetik izatearen presioa gehitu zaie etxekoei. Euskaldunak 20. minutuan egin du gola kontraeraso bat aprobetxatuz. Hala, lehenengo zatian nahiko urduri ibili dira Gordobilen mutilak; baloi asko galdu dituzte eta partiduaren jabetza hartzea kosta egin zaie.
Erreakzioa
Bigarren zatian egindako aldaketek eragina izan dute taldearen jokoan. 48. minutuan Espinosari egindako falta baten bitartez etorri da etxekoen lehenengo gola. Imanolek atera du falta eta Erikok sareetan sartu du baloia. 30. minutuan Espinosak egin du bigarrena. Kontraerasoan Euskaldunaren defentsaren hutsaz baliatu da bigarren gola egin eta lehia erabakitzeko.