Koadrilen kalejira (12:00) izango da goizeko ikuskizunik arrakastatsuena. Eta mozorrorik dotoreenek eta ikusgarrienek saria jasoko dute arratsaldean (18:30). Urtero legez bi talde egingo dituzte sariok banatzeko: 16 urtetik gorakoena eta 16 urtetik beherakoena –bi taldeetan bosna sari–. Herri bazkaria aurten Iturrigorri frontoian da, eta 400 bat lagun elkartuko dira; eta bazkalostea girotzeko Nahima taldearekin dantzaldia izango dute.
Aratuste-martitzenean, ostera, ikastetxeetako umeek izango dute jaia (11:00). Herriko plazan elkartu eta kalejiran joango dira.
Hona egitarauak
Otsailak 22, Aratuste-domeka
- 10:00ak, txistulariekin diana.
- 12:00ak, koadrilen kalejira. Ibilbidea: Copreci lantegiko aparkalekua, Araba ibilbidea, Mitarte, Durana, Errekabarren, Andramari, Mitarte, Durana eta Herriko plaza.
- 12:30ak, Txino Dantza.
- 14:30ak, herri bazkaria Iturrigorri frontoian.
- 16:00ak, dantzaldia Nahima taldearekin Iturrigorri frontoian.
- 17:30ak, kalejira txarangarekin.
- 18:30ak, mozorro lehiaketaren sari banaketa.
- 19:00ak, Santa Ageda neska-mutilen dantza saioa.
- 22:00ak, Akelarre txarangarekin dantzaldia kalean..
Otsailak 24, Aratuste-martitzena
- 11:00ak, Mutil Gazteak txarangarekin kalejira.
- 16:00ak, txaranga Herriko plazan.
- 17:30ak, buruhandiekin kalejira.
- 18:00ak, euskal disko festa.
- 20:00ak, Txinen hileta; Mitarte kaletik plazara komitiban.