Egitaraua
Antzerki Asteko lehenengo emanaldiak gaur, astelehena, izango dira: 3. eta 4. mailakoek Zazpi antxumeak izeneko bertso-antzerkia, Mari Errauskin txotxongilo saioa eta ipuin kontaketa emanaldia egingo dituzte, eta 5. eta 6. mailako ikasleek, Udaberriko antzerkia izenekoa eta dantza emanaldia.
Etzi, eguaztena, txikienen, 1. eta 2. mailako ikasleen txanda iritsiko da. Eurek hasiko dute ikuskizuna, Txorimaloa izeneko antzezlana eskainiaz. Segidan, 3. eta 4. mailako ikasleek abesti eta dantza emanaldia, lehenengo, eta Zazpi anaiak izeneko antzerki emanaldia, gero, egingo dituzte. Txikienek itxiko dute ikuskizuna, ipuinak kontatuz.
Eguenean, otsailak 8, 5. eta 6. mailako neska-mutikoek fotonobela antzeztuko dute lehenengo. Eguneko hurrengo bost emanaldietan, 1. eta 2. mailako ikasleak izango dira protagonista: lehenengo, dantza saioa eskainiko dute; gero, Hamelingo txirularia izeneko antzezlana; abesti emanaldia egingo dute segidan; Satorra txotxongilo saioa, eta bukatzeko, dantza emanaldia.