Bakarkako aitortzak eginda hasiko dute Ostegun Santua (11:00-12:00) eta arratsaldean Jaunaren azken afariko eukaristia izango dute, lehenengo agustindar mojen monasterioan (18:00) eta gero parrokian (19:00). Eta eguna bukatzeko otoitzaldia egingo dute monasterioan (21:30).
Ostiral Santuan gorespenak izango dituzte monasterioan (09:00) eta gero gurutze-bidea egingo dute parrokiatik Izurietako elizara (11:00). Jaunaren nekaldiko ospakizunak izango dira arratsaldean monasterioan (16:00) eta parrokian (17:30). Zapatuan, Pazko Gaubeila ospatuko dute bi elizetan (21:00), eta parrokian, gainera, umeak bataiatuko dituzte.
Eta domekan, lehen eukaristia (09:00) monasterioan izango da eta Pazko-domekako meza nagusia, parrokian (11:30).
Auzoetan ez da elizkizunik
Auzoetan ez da izango elizkizunik Ostegun eta Ostiral Santu egunetan. Pazko-domekan, ostera, bai; apirileko domeka guztietan legez, Goroeta auzoko parrokian esango dute meza, 12:30ean.