Gurasoendako 'Ardura Hezi' ikastaroa emango dute azaroan

Aretxabaletako Udalak gurasoei zuzendutako 'Ardura Hezi' ikastaroa gertu du. Interesatuta daudenek urriaren 30a baino lehen aurkeztu behar dute eskaera orria udaletxean edo kultura etxean. Plazak mugatuak dira; gehienez, 30 lagunek parte hartu ahalko dute

0-16 urte bitarteko seme-alabak dituzten gurasoek haurren heziketan dituzten zailtasun eta erantzukizunen gainean jardungo dute horretan; gainera, beste zenbait gurasoekin batera egoerak aztertu eta irtenbideak bilatzeko erabili daitezkeen tresnak ikasiko dituzte. Besteak beste, gurasoen paperaz hitz egingo da, adinari egokitutako mugez eta arauez eta haur eta nerabeekin negoziatzeko behar eta moduaz.

Saioak, martitzenetan

Saioak azaroan izango dira, martitzenetan, 18:00etatik 19:30era, Arkupen. Udaletik azaldu dutenez, Gizarte langile eta hezitzaile Loredi Salegik emango ditu eta partaideak talde txikietan banatuta egongo dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.