Gorgonzola herrian (Italia) egiten duten nazioarteko film laburren lehiaketara joan dira Aratz taldeko kideak, 38 lagun inguru. 'Are-Baleko sekretoa' filma aurkeztuko dute bihar gauean. Atzegi elkarteak antolatutako film laburren lehiaketa irabazi zuelako joan dira Aratzekoak Italiara; dagoeneko hirugarren aldia da lehiaketan daudela.
Atzo, hilak 14, irten zuten aretxabaletarrek autobusean, 38 lagun, eta dagoeneko Turinen dira. Hiria bisitatuko dute lehenengo eta ilunkaran (20:30) film laburren lehiaketako lehenengo jardunaldian izango dira; bederatzi film botako dituzte.
Bihar, ostera, Milan hiriko parajeak ezagutzera joko dute eta ilunkaran lehiaketako bigarren jardunaldira. Aratzekoek egindako Are-Baleko sekretoa emango dute orduantxe –Atzegik egindako Donostiako lehiaketan lehenengo saria jasotakoa–. Film guztiak eman ostean sari banaketa ekitaldia egongo da. Domekan itzulerako bidaia egingo dute aretxabaletarrek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
