Gipuzkoako trialsin txapelketako laugarren proba, domekan

Domekan, martxoak 9, Gipuzkoako trialsin txapelketako laugarren proba jokatuko dute gurean. Urtero legez, Porrukotxara baso inguruan jarriko dituzte trialsinlariendako zonaldeak. 10:30ean hasiko dute proba eta 13:30ak inguru arte ibiliko dira norgehiagokan. Antolatzaileek jakinarazi dute edonork parte har dezakeela. Horretarako 10:00ak inguruan hurreratu behar da izena ematera, eta antolatzaileek bizikletak utziko dizkiete.

Hainbat aretxabaletar dabiltza Gipuzkoako txapelketan norgehiagokan, eta domekan ere jardungo dute: Markel Uriarte junior mailan, Aitor Murua infantil mailan, Unai Zunzunegi alebinetan eta Itziar eta Mikel Murua anai-arrebak benjaminetan. Guztiak ere txapelketa polita egiten dabiltza, eta domekan ez dute hutsik egin gurako. Horiez gain munduko txapeldun izandako trialsinlariak elkartuko dira Aretxabaletan: Iker Lezeta donostiarra eta Diego Barrio gasteiztarra, esaterako.


Gipuzkoako txapelketa martxoaren 30ean bukatuko da, Urretxun egingo duten proba jokatu ostean. Orduan erabakiko dira zein sailkapeneko postuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.