Loramendi Euskara Elkarteak eta Arlutz tabernak antolatutako futbito txapelketa azken txanpan sartu da. Atzo, hilak 16, bukatu zuten zortzi talderen artean jokatutako ligaxka, eta lau talde sailkatu dira finalaurrekoetarako: Cipris (Eskoriatza), Fontasport, Somos4 eta TPM.
Bihar, eguaztena, jokatuko dituzte partiduak 18:00etan eta 19:00etan: Cipris, TPMren aurka eta Fontasport, Somos4ren aurka. Orduan erabakiko da zeintzuk jokatuko duten finala zapatuan.
Jai giroa
Jai giroa izango da zapatuan futbito txapelketari agur esateko. Hiruko torneoa jokatuko dute lehenengo neskek, 16:30ean, eta 17:30ean, futbito txapelketaren finala. Bukatutakoan Heineken festa hasiko dute Arlutz, Ezkutu, Orly, Urbaltz, Haizea eta Izotz tabernek. Heineken garagardoa euro baten truke eskainiko dute.