Dantzak eta kantuak bateratuko dituzte flamenkoari eskainitako ikuskizunean. Javi Antoñararen gitarra eta Giliyoren perkusio doinuak nahastuko dira El Penique de Malaga abeslariaren ahotsarekin eta La Pulgaren dantzekin. Hala, izaera pertsonal eta zabala emango diote ikuskizunari.
Ikastaroa hilaren 26an
Bestalde, Jaiki elkarteak antolatuta ikastaroa eskainiko du La Pulgak. Flamenko dantzen hastapen ikastaroa izango da eta otsailaren 26an hasita lau egubakoitzetan egingo dute (18:00-20:00). Zortzi orduko ikastaroa 25 euro ordaindu beharko dute langileek eta 20 euro, langabeek eta ikasleek. Interesa dutenak Jaikiko kideekin egon daitezela –jaikielkartea@yahoo.es–.