Mantentze lanok zortzi urtean behin egitea komeni izaten dela jakinarazi dute parrokiako arduradunek: "Kanpai-mihia larruarekin lotuta egoten da eta larru hori ondo dagoela begiratu behar da, baita metala brintzatu barik dagoela ere; era berean, koipeztatu egingo dituzte". Kantabriako Gajano herrira eroan dituzte horretarako eta astebete batean bueltan izango dira.
Mezak ohiko ordutan
Meza entzutera joateko deirik egin ez arren kanpaiek, betiko ordutan izango dira aste bukaeran: bihar, 19:30ean eta domekan, Domu Santu eguna, 11:30ean.
Astelehenean, azaroak 2, ostera, hildako fededunen oroimena ospatuko dute parrokiako kideek. Hala, bi meza esango dituzte: 09:00etan, Agustindarren monasterioan, eta 19:00etan, parrokian.