Partidu gogorra zela bazekiten aretxabaletarrek, eta oso parekatuta ibili ziren biak zelaian. Leioakoak aurreratu ziren markagailuan bosgarren minutuan eta Rodriguezen mutilek berdintzea lortu zuten ordu erdi geroago. Bigarren zatian gogor atera ziren zelaira bizkaitarrak eta 55. minutuan bigarren gola sartu zuten. Ordutik nagusi izan ziren eta azken zatian Aretxabaletakoek estutu arren ez zuten golik lortu.
Orain 56 puntu ditu Aretxabaletak, eta datorren aste bukaeran du igoera lortzeko bigarren aukera. Etxean jokatuko dute azkeneko dagoen taldearen aurka, El Pilar Marianistak –2 puntu ditu–. Orduan irabaziz gero, eta ez uztekorik gertatu ezean irabazteko partidua da, igoera lortuko luke matematikoki.