Erreka beste aldeko etxebizitza tasatuetarako izenemate epea astelehenean amaitzen da

Erreka beste aldean saltzeke dauden etxebizitza tasatuen zozketan parte hartzeko izena datorren astelehenean, ekainak 30, amaituko da. Udalak jakinarazi du dagoeneko hamasei herritarrek eman dutela izena. Hortaz, apuntatzen direnen artean zozketa egin beharko du, hamabost etxebizitza baino ez daude eta banatzeko.

Zozketa hori datorren hilean egiteko asmoa du. Udalak gaineratu duenez, etxebizitza tokatu eta erosketaren aurre-kontratua sinatzerakoan, 12.000 euro jarri beharko dituzte etxebizitza horien erosleek.
Oraindik izena emateke dutenek jakin behar dute hainbat baldintza bete behar dituztela, etxebizitza tasatuen zozketan parte hartu ahal izateko: Besteak beste, 2007ko abenduaren 31tik Aretxabaletan erroldatuta egon beharko dira gutxienez interesatuak eta ez dira etxe baten jabeak izango. Gainera, 2006an izandako diru sarrerak eskatuko zaizkie.

Prezioa eta Zabalera

Etxe horietako metro koadro bakoitzak 2.380,97 euro balioko duela adostu dute Udalak eta Bruesa eraikuntza enpresak.   Etxeak hainbat zabalerakoak izango dira. Txikienek 77 metro koadro erabilgarri izango dituzte, eta beraz, bakoitzeko  183.334,69 euro ordaindu beharko dituzte erosleek. Etxebizitza handienek, berriz, 94 metro koadro neurtuko dituzte eta 223.811,18 euro balioko dute. Etxeak eraikitzen hasi da dagoeneko Bruesa eraikuntza enpresa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.