Eroski jendez hustu behar izan dute, sute bategatik

Usoa Agirre 2009ko urriaren 13a

Arratsaldeko 18:50ean izan da gertaera. Hozteko makina baten izandako matxurak sortu du sua Durana kaleko Eroski saltokian. Denda bera eta saltokiaren inguruko etxebizitzak jendez hustu behar izan dituzte, baina ez da inor zauritu. Ordu horretan 100 bat bezero zeuden saltokian eta 6 langile. Guztiak aterarazi dituzte.

Saltokiko arduradunek adierazi digutenez urdaitegiko hozteko makina batek izan du matxura eta han piztu da sua. Denda generoz bete berri zuten eta produktu denak hondatu dira. Kalte pertsonalik izan ez bada ere materialak izan dira.

 

Eroski saltokia, Durana kalean map

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak