Asfaltatzeko behar ziren makinak zati horretan geldirik ikusi dituzte herritarrok joan den astean, baina lanik ez da egin; izan ere, Jose Mari Segoviak, Udal Hirigintza teknikariak, dioskun moduan, "eduki ditugun tenperatura baxuak, elurra eta hezetasuna ez dira batere egokiak asfaltoa botatzeko, eta horregatik, lanak atzeratzea erabaki zen, baina datorren astean asfaltatzen bukatuko dute".
Gorriz margotzea
Argi-instalazioak ere ipintzekoak ziren joan den astean, baina lan hori ere eguraldi txarrarengatik eten zuten, eta datorren astean amaituko dutela esan du Segoviak.
Aurreragorako geratuko da, berriz, bidegorria bere kolore gorriz margotzea. Izan ere, horretarako, luzaroan eguraldi ona egitea behar da, eta horrelako bolada bat iritsi arte itxarotea erabaki du Udalak.