Egoera ekonomiko larriaren ondorioz enpresak ixten dabiltzan sasoian herrian enplegua eta aberastasuna sortzea gura du Udalak. Hori horrela, enpresa txiki eta ertainei zelan lagundu dauka jasota ordenantzan. Dirulaguntzak jasotzeko enpresa berritzaileak izan behar dute –teknologia berriak erabili…– eta bideragarritasun plan egokiarekin. Horrez gain, hainbat baldintza beteko dituzte enpresa horiek, tartean ondorengoak: gehienez ere urtebeteko antzinatasuna izatea; 5-50 langile artean izatea; Aretxabaletan erroldatuta egotea sustatzaileak (gutxienez erdiak); beste laguntzarik ez jasotzea.
Udalak eskaera aztertu eta interes soziekonomikoko enpresa ekimena dela erabakiz gero diruz lagunduko du. Dirulaguntza hori ondorengo gastuetarako izango da: enpresako teknikariak formatzeko eta gerentearen soldata ordaintzeko (gehienez 6.000 euro; ekoizpen ekipoen inbertsioetarako (gehienez 24.000 euro); eta eratu eta abian jartzeko gastuetarako (gehienez 6.000 euro).
Ordenantzaren gaineko argibide gehiago gura duenak udaletxera jo dezala edo udalaren webgunean begiratu –www.aretxabaleta.com–, Udal dokumentuen atalean.
Lau langile udarako
Bestalde, Udalak lau langile hartu ditu Inemen bitartez uda sasoian egin beharreko hainbat lanetan laguntzeko, tartean Andramari jaiak.