Herrizaingo Sailak emandako informazioaren arabera, 16:00etan partikular batek poliziari deitu dio patruila eske. Ertzainek emakumezko bat aurkitu dute bere bikote ohiaren atea kolpatzen zebilela. Aretxabaletako udaltzainak ere izan dira gertakarien lekuan. Eta justu, ustez, udaltzainen kontra egin duelako eraman dute emakumezkoa, "agenteen kontrako atentatuarengatik", erresistentzia erakutsi dielako.
Esandako moduan, momentuz polizia etxean dago emakumezkoa, berarekin zer gertatuko den zain.