Ekitaldi asko Arkupen, tartean Toti Martinez de Lezearen berbaldia

Gaur, Saharan bizi duten egoeraren berri ematen duen Un grito desde Sahara filma emango dute (19:00) Iesbaa eta Nubi elkarteek antolatuta. Eguaztenean, ostera, Toti Martinez de Lezea idazle ezaguna izango da euskal mitologiaren gainean berba egiteko (19:30). Eta zapatuan, hilak 17, Ixabel Millet ipuin kontalariak Martin txiki eta Marizikin ipuina eskainiko die 3 eta 10 urte bitarteko umeei liburutegian (11:30).

Eguenean, gainera, eraikinen osasunaren gaineko ikastaroa hasiko dute (19:00-21:00). Martitzen eta eguenetan izango dira saioak eta izena aurrez eman behar da Arkupen.

Bestalde, hilaren 29an, eguena Huhezinemaren sari banaketa ekitaldia egingo dute (19:00). Eta 30ean, egubakoitza, (22:00) bakarrizketa eskainiko die helduei Goio Arrieta aretxabaletarrak: Harri irratixe. Sarrera, 4 euro da.

Erakusketa eta filmak

Eta hilabetea bukatu arte izango da Elgetako Manuel Montielen argazki erakusketa: Gipuzkoako txakurrak herriz herri. Horrez gain, azken filmak eskainiko dituzte apirilean: Precious (gaur); Invictus (apirilak 16-19); eta En tierra hostil (apirilak 23-26). Eta umeendako: Planet 51 (hilak 18) eta Lilly y la princesa hada (hilak 25).