Domekan, hilak 20, Amurrioren aurka jokatuko du hirugarren mailan dagoen futbol taldeak lehenengo bueltako azken partidua (16:30). Eta elkarteko bazkideei egutegiak oparitzeko aprobetxatuko dute. Aretxabaleta Kirol Elkarteko futbol talde guztiei atera dizkiete argazkiak eta egutegi polita egin dute.
Domekako partiduaren atsedenaldian, gainera, Gabonetako otarra zozketatuko dute.
Futbol eskolako txapelketa
Bestalde, futbol eskolako neska-mutikoek Gabonetako txapelketa jokatuko dute Ibarra futbol zelaian hilaren 23tik urtarrilaren 5era. Jai egunetan izan ezik gainerako egun guztietan izango dira partiduak arratsaldetan (15:30-18:00). Bergara, Oñati, Arrasate eta Aretxabaletako 1999an, 2000an eta 2001ean jaiotako neska-mutikoek jardungo dute norgehiagokan.