Hilabeteetan egon dira herritarrak noiz konponduko zain, eta egun bateko kontua izan da. Seinaleak jarri behar dituzte orain –horizontalak eta bertikalak–, baina egun batzuetan itxaron egingo dute asfaltoa behar bezala finkatzeko.
Egoera eskasean zegoen errepidea: zuloak gero eta gehiago eta handiagoak, eta inolako seinalerik ez nahiz eta ibilbidea aldatuta izan autobideko lanengatik. Herritarrak behin eta berriz kexatu izan dira azken hilabeteotan, eta Udalak eskaera bat baino gehiago egin zizkion Aldundiko Errepide Sailari. Hala ere, hilaren 17an alkateak aurrez aurre egin arte ez zuten konpontzeko asmorik azaldu.