Egindako ikerketaren arabera, atmosferan dagoen kutsadura maila ez da kezkatzeko modukoa

2007an burutu zen Aretxabaletako airearen kalitateari buruzko lehenengo ikerketa eta Markole auzoko bizilagunek eskatuta, ikerketa horri jarraipena eman zioten iaz. Euskal Herriko Unibertsitateko zientzia kimikoetako fakultateko lantalde baten ardura izan da azterketa berri hau burutzea, eta Lourdes Canton ikerlarietako batek adierazi duenez, lortutako emaitzak legearen barruan daude.
Iazko martxotik maiatzera bitartean, hiru hilabetez aritu dira Markole inguruan neurketak egiten. Bi zati izan ditu ikerketak. Batetik bereziki hornitutako furgoneta batek eguneko 24 orduak eman zituen datuak hartu eta aztertzen, eta bestetik, hartutako hainbat lagin laborategian aztertu dituzte. Airean dauden partikulak aztertu dituzte, baita airean dagoen metala ere. Ikerlariek emandako gomendioa da baina, urtebete iraungo duen ikerketa bat egitea, egoeraren ikuspegi osoagoa izateko.

Esan bezala, atzo aurkeztu zituzten jendaurrean ikerketaren emaitzok. Bertan bildutako herritarrek, hainbat kezka eta eskari egin zituzten. Besteak beste, ikerketak udazkenean ere egitea eskatu zuten, baita metalen artean aluminioa ere aztertzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.