Durana kaleko 28. atartetik Errekabarren kalera oinezkoendako pasabidea egingo du Udalak. Joan zen martitzeneko Gipuzkoako Aldizkari Ofizialean proiektu horren lanen esleipena azaldu zen: Amaral enpresa arduratuko da pasabide hori egiteaz.
Udalak jakinarazi duenez, aste honetan hasiko da pasabidea eraikitzen. Hiru hilabete izango ditu Amaral enpresak hori egiteko. Proiektu horren aurrekontua 219.000 eurokoa dela ere azaldu du.
Udaletik azaldu dutenez, pasabide horren bidez, eliza, Zaharren egoitza eta osasun etxerako bidea murriztu ahal izango da. Pasabideak 35 metroko luzera izango du eta lehenengo 20 metroak, Durana kaleko 28. zenbakian kokatutako eraikinaren azpitik igaroko dira. Lurzorua granitozkoa izango da eta paretak harrizkoak. Argiztapenari garrantzia handia eman zaiola eta txoko ilunik ez dela egongo esan du Udalak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
