Dendariak eta tabernariak, kezkatuta lapurretekin

Azkenaldian gertatzen ari diren lapurretekin arduratuta daude herriko dendetako eta tabernetako jabeak. Kezka horren adierazle, egindako sinadura bilketa. Ekimen horren bozeramaile Salva Rodriguezek esan du merkatarien eta dendarien %85 inguruk gauean segurtasun neurriak egon daitezela eskatu duela.

Jasotako sinadurekin udaletxera joan da Rodriguez eta Inaxio Garro alkatearekin bildu da. Bilera horretan tabernarien eta merkatarien artean dagoen kezka azaldu dio eta Udalak neurriak har ditzan eskatu dio: "Lehen udaltzainak ibiltzen ziren gauean. Egoerari buelta emateko hori izango litzateke irtenbidea", azaldu du. Arrasate, Aretxabaleta eta Eskoriatzarako, gaur egun, Ertzaintzaren patruila bakarra dago gauean ere salatu du Rodriguezek.

Udala, zehaztu barik

Alkateari gai horren gainean galdetu diogu. Herrian dagoen kezka ulertzen duela esan du: "Argi ikusten dugu neurriak hartu behar ditugula". Baina, oraindik ez dute zehaztu zer egingo duten. "Azterketa sakona egin beharra dago oraindik".

Hala ere, "Ertzaintzaren laguntza beharko dugu, Aretxabaletan ez dago-eta udaltzainik gauean", adierazi du Garrok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.