Azken jardunaldietako dinamika txarrari buelta emateko aukera paregabea zuen UDAk Eibarren, armaginak aretxabaletarren aurkari zuzenak baitira sailkapenean. Baina atzealdean makal eta aurrealdean ideiarik gabe, 2 eta 0 galdu dute Eibarren aurka. Jaitsiera postuak bi puntutara daude honezkero; Igor Gordobil entrenatzaileak bere taldeak "aldaketa sakona" behar duela uste du.
Partidua nahiko txukun hasi bazuten ere, atzealdean egindako akats larrien ondorioz bi gol egin zizkion Eibarrek UDAri, eta aretxabaletarrek ezin izan zioten partiduari buelta eman. Hala ere, epaileak ez zuen aretxabaletarren aldeko penalti garbi bat adierazi lehia berdinduta zegoenean. Edozelan ere, Igor Gordobil entrenatzaileak jakinarazi du UDAk "merezita" galdu duela.
Gainera, Gordobil emaitza berak baino sensazio txarrek kezkatzen dute gehiago: "defentsan gaizki ari gara, akats larriak egiten ditugu eta bide horretatik jai izango dugu Hirugarren Mailan". Bigarren itzulia oso gogorra ari da izaten aretxabaletarrendako eta jaitsiera postuak bi puntutara bakarrik daude...
Kronika osoa, bihar, Asteleheneko Goienkarian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak